مقالات لنفس الكاتب
أخر مانشر
الأكثر قراءة
يوم
اسبوع
شهر
فلم قصير.. حمم .... الدم
الأربعاء 17 فبراير / شباط 2010 - 23:09:16
المشهد الاول
لمكان: الباحة الداخلية لدار ريفي وفي احد جوانبه شاب هو (سالم )نائم ومن ثم يدخل اب وهو (ابو سالم) يلبس عقالة وعباءته .
ابو سالم: بويه سالم ....سالم ...كوم يابعد بوك....صارت الدنيه ظهر ....(يتحرك سالم تحت الغطاء يتأفف)ولك اكعد ..طك الماي علزرع ...
سالم : هسه ....هسه ...اكوم (يلف رأسه بالبطانية).
ابو سالم : كوم لا يبرد الجاي ..كوم بويه
(ينهض سالم وهو يتمغط ومن ثم يلف فراشه ويرميه في احد زواية الدار ويخرج يغسل وجهه ويدية وفمه في نهر بجانب الدار ثم يخرج الاب وهو مهم بالخروج).
ابو سالم :مثل ماكتلك بويه البارحه عليوي ابن عبادي الصيهود مالك غرض بيه .
سالم : (وهو يجلس امام صينة الفطور) ولله احط جيله براسه اذا سواها مره ثانية .
ابو سالم : (بخوف غير معلن) لا يا بعد أبوك يا بويه ..لا تصير مخبل ..احنه ما عايزين ضيم ..اذا شفته مارد ..عود حاجي سيد ناجي عليه يحاجيه ..ولا تنسه يا بعد أبوك هذا مو غريب ابن عم رجل أختك ورجل بت عمك .
سالم : (بخداع)الله كريم ... الله كريم بويه .
ابو سالم : خوش انه اروح ثيمالله .
سالم : الله وياك بويه (مع نفسه) عود خلني اخلي الفشك يهلهل يم أذنه وذيج الساعة الله كريم.
المشهد الثاني
المكان : باحة دار داخلية ورجل وهو (عليوي بن عبادي الصيهود )ينظف ببندقيته ومن ثم تدخل امرأة (زوجته حسنة)تحمل صينية فطور .
حسنة :عوف البيدك وتعال تريك.
عليوي:هسه (يركب غلاف البندقيه) آها هلخلصت (يتقدم زحف للصينية)
حسنة : غسل ايديك .
عليوي: عليمن كلشي مابيهن (يمسحن بوصله) اها مسحتهن.
حسنة : (بخوف غير معلن )اكول.
عليوي: (وهو يهم بوضع القمة بفمه ) شعندج .
حسنة : بعدك انته وابن عمي سالم طلايب على الكاع والزرع .
عليوي : (بعصبيه يرمي القمة) هسة وكت هالحجي ..(يدفع الصينية) شيلي الصينية ...شيليه .
حسنة : هسه انه شكلتلك.
عليوي : (بعصبية) تدرين كلش زين ...طاري ابن عمج سويلم يسطر راسي .
حسنة : جاهو هيج الحجي يابو حميد ..سويلم خال جهال ابن عمك وابن عمي وفوك كل هذا من سلف واحد .
عليوي : ابن عمج غبي ..ومايدور الا الطلايب ....لو نسيتي ذيج السنه لمن عبر على السلف الغاد منه ولحكله وحده من بناتهم ومن شافه اخو البنيه كض سويلم ودماه ولو ما لاجاويد تدخلت والله ستر جاهسه انتم مهجولين من ديره لديره .
حسنة : بعده شاب وعقله على كده .
عليوي: بس عده أبو و أم ولازم أيعقلونه.
حسنه: ولله ملو منه .
عليوي: النتيجه (يضع بندقيته على كتفه ) شتردين .
حسنة : عود من تشوفه جنك ماشايفه .
عليوي: واذا يجيج ويدوس بمصارينج شسويله .
حسنه : اهمله وهو يتعدل .
عليوي : ابن عمج هذا ...لا يحس و لا عنده عقل ....(يخرج) خل اخذ الحلال للمراح احسلي .
حسنه : (وهي ترفع صينية الفطور) يارب سترك ...مابينه حيل المصايب .
المشهد الثالث
المكان :شارع داخل البساتين وفيه ابو سالم وابو عليوي يتمشون ويسولفون .
ابو سالم : هو تدنه علي ..وانه حطيته اله بصدره.
ابو عليوي : وشنهي النتيجة؟؟
ابو سالم : حتى يصير عبره لغيره .
ابو عليوي: وهجولوكم من ديره لديره ودم يجر دم حتى اطت عشيرتكم عشرين واحد واهمه راح منهم ثلاثين زلمه وضلت الطلابه معلكه سنين منا لمن الله وكفلكم سيد كاطع وتدخل او كف جريان الدم كله من وراك يابو سالم.
ابو سالم : اي....صارت سوالف .
ابو عليوي : بس راحت بيه زلم جثيرة ...شصار يعني بوكته من تخليه يزكي كاعه من سيحكم قابل راح تنكلب الدنيه .
ابو سالم :اها ..شلون تقبله يبو عليوي..وصير ملطشه للرايح والجاي .
ابو عليوي : بس الدموم والشبان الراحت والنسوان الترملت والاطفال التيتمت كله بركبتك يابو سالم ...ولا تنسى الكال ..بشر القاتل بالقتل .
ابو سالم : (يضحك) لا ..لا لتخاف ...الجهال كبروا...والنسوان تزوجن ...والشغله صارله سنين والدم برد فماكو بشر القاتل بالقتل .
ابو عليوي : الجهال الكبروا اجم ضيم مر عليهم وهمه بلا ابو ..والنسوان التزوجن أجم قهر مر عليهن لمن اجاهن ابن الحلال ...وبشر القاتل بالقتل مو ماكو لا اكو ..سنه وميت سنه والقاتل ينكتل حتى لو على أيد غربه مو طلابة ثار المهم الله يراويه موتت الغدر.
ابو سالم : (يحاول أن يلملم الموضوع ) اهوووووووو ..خذتنه السوالف ونسينه نمر على سيد كاطع .
المشهد الرابع
المكان : الباحة الخارجة (الطرمه) لدار بيت ريفي هو دار حمدية أخت سالم وهي تجلس تمشط شعر ابنتها سليمة.
سليمة: (تصرخ من المشط) اخ .....اخ اخ اخ ...
حمية : او مرض .
سليمة : (بكاء مصطنع) وجعتيني ...راسي شلعتيه يمه .
حمدية: جاشسويله هو مجبن ..كل مره اكلج لا تحلينه ..وتحلينه .
سليمة : وجعتيني ....(تبكي) موتيني ولله .
حمدية : هل خلصت ..حتى مره ثانيه لا تحلينه (تدخل زوجة عليوي حسنة وهي أبنت عم حمدية).
حسنة : اصباح الخير .
حمدية : صباح النور ....هلا ..هلا بحسنة ..(تقف لها وتقبلها ) اكعدي ..اكعدي .
حسنة : مريت على اهلي وكلت خل امر اشوفج .
حمدية : هله بيج خيه ..بشري شلونج ..اشلون رجلك ..وليدج .
حسنة : الحمد لله زينين ..اخوج النهار كله بهالكاع ..وخادمج حميد ماشاء الله صار زلمه وشاطر بالمدرسة كلش ...حتى ذاك اليوم ودو عليه بالمدرسة وكالولي ديري بالج عليه ابنج ذكي .
حمدية : الله يخليليجياه ..هو من زغره فاهم ...جاانتي ماتتذكرين من احنه واكفات نسولف وغرك اوليدي بالرايط البصفنه ..شلون وليدج كام يعت بعباتنه حتى انتبهنه ...ولبعمره جان كلشي ما يفتهم من الغرك .
حسنة : أي اذكر ...ولله هسه انه بالمدرسة لا اقريه ولا هاي ..تدرين احنه كلنه ما نعرف نقره وما خلونه أهلنه نكمل مدرسة بس هوه يتهجه لوحده ولبلبان ..وحتى كام يقري ولد الجيران هالايام .
حمدية : فدوه لله ..الله يحرسه .
حسنة : المهم ...انه جيتج بموضوع .
حمدية : كولي انه بخدمتج .
حسنة : خيه احنه بنات عم ..وماخذات ولد عم من غير عشيرة مو.
حمدية : أي .
حسنة : واذا صار على رجلي شي معناته ..حبل المودة نكطع .
حمدية : خوفتيني شصاير.
حسنة : اخوج .
حمدية : ها ردت الطلايب الاولية .
حسنة : خيه انه خايفه من الهبيه تجي..ونطيح بيه انه وياج ..معناته ..لا انتي راح تكعدين عد رجلج لان اخوج جتال ابن عمه ...ولا انه ابقه عدهم لان ابن عمي جتال رجلي .
حمدية : معناته احنه الفده لهالنار.
حسنة : ولله الا يخلونه نتحسر على شوفت ولدنه .
حمدية : والحل .
حسنة : كضي اخوج وحاجيه...كليليه انته بهالطلايب ماتفكر بمصير اختك وبت عمك وجهالهن .
حمدية : ياخيه ولله ملينه من عده .
حسنة: (بعصبية) خيه طلايب ويه الغربه بيهه مجال ...بس ويه الكرايب والنسايب عيب ....ولازم واحد ايوكفه عد حده .
حمدية (تقف حمدية وتلبس عباءتها ) مشينه خيه روح لهلي ونسولف وياهم (يخرجن).
المشهد الخامس
المكان : مدرسة صف فيه طلاب وفيه حميد ابن عليوي جالس .
المعلمة : منو بيكم اليوم حافظ نشيد بس كون مو من الكتاب (محد يرفع يده غير حميد ) تعال احمد (يقف الى جانبها ) ها شراح تقرالنه ؟؟؟.
حميد : ست ..موطني .
المعلمة : عفيه ..اقراه.
حميد : (يقرأ نشيد موطني).
المعلمة : صفكوله (يصفق الطلبه ) عفيه احمد انته شاطر ..استريح (يذهب الى رحلته ) زين منو يكلي النخله شبيه من ثمر ؟؟؟وشنستفاد منه ؟؟؟ وتموت لا ؟؟ ( يرفع الطلبه ايديهم فتشير الى الطالب الاول )يالله انته .
الطالب الاول : بيه تمر ...وتموت.
المعلمة : بس ...ها.....(تشير للطالب الثاني يرفع يده ) ها تعرف ..يالله .
الطالب الثاني : النخلة ..بيه الخلال ..والزهدي ...والبرحي ...والساير ...
المعلمة : لا ....مو انواع التمور (صمت ) ها محد يعرف (يرفع يده حميد) ها احمد تعرف .
احمد : نعم ست .
المعلمة : جاوب يالله .
احمد : ست بيه تمر وجمار ناكله ...وبيه سعف وكرب نطبخ بيه ...والنخله تموت مو مثلنه نطيح ويدفنونه جو الكاع ....النخله تموت وهيه واكفه .
الملعمة : (بحرارة ) صفكولة ....أحسنت .....أحسنت ..ياوردة ..لأنك شاطر راح أطيك هدية (تخرج من حقيبتها شوكلاته وتعطيها له فيفرح بها كثيرا).
(طلاب في أخر الصف يتحدثون بالهمس)
طالب اول : شاطر .
طالب ثاني : يقره النهار كله .
طالب اول : المعلمين يحبونه هواي .
طالب ثاني : لان هو اشطر واحد بالمدرسة ..اقره وانته تصير مثله
طالب اول: جاو الطوبه ...والسراح ؟؟؟.
طالب ثاني : هذا مو عذر ..الطوبه اله وكته ..والسراح تكدر تاخذ كتبك وياك وتقره .
طالب اول : كافي ....كافي ...صاير محامي .
المعلمة : بدون صوت .
المشهد السادس
المكان: مزارع سالم وبجانبها مزارع عليوي .
سالم (جالس يغني موال ريفي فيرى دواب عليوي تدخل الزرع ) انه اخو حمدية ..راح الزرع (يسحب امان بندقيته ويركض باتجاه البقر وهو يطلق النار الى الاعلى وعندما يصل اليهن يطلق النار على اكبر بقرة فيسمع صوت سحب بندقيه عليه فيراه عليوي )
عليوي: ولك الك ايد وتموت حلالي يسويلم .
سالم : اليوم كلهن اجتلهن ..شلون يدشن لكاعي .
عليوي : مراجللك ماطلعه الا على هالدوابات ..جان زريتهن من الكاع .
سالم : لا تغلط ..وانه حذرتكم اكثر من مره .
عليوي: قابل احنه دافعينهن عليكم ..دوابات غفلت عليهن دشن لكاعك .
سالم : انته غاصده يعليوي ...انته ارعن وحقير ونسيواني .
عليوي: اياارعن ياابن الارعن (يتلاوون فيطلق سالم النار على عليوي فيقتله فيهرب ) (يراه احدهم ويذهب ينادي .
المنادي : سويلم جتل عليوي بالزرع... سويلم جتل عليوي بالزرع (فيهرع شباب ونساء العشيرتين بالسلاح لمكان الجريمة فتنشب بينهم معارك دامية يتدخل وسط الرمي سيد كاطع وهو يرفع العلم الاخضر(علم السادة) ويقول بصوت عال ).
سيد كاطع : بسم الله...ورسوله ..وال بيته الاطهار...وكفو الرصاص ونطونه عطوه ليوم واحد بس (فيقف الرصاص وتأتي حسنة زوجة عليوي وهي تولو وتبكي على زوجها فيقول لها حماها ).
حماها :المن جايه ...ذولاك اهلج وروحليهم (يطردها).
حسنة: خوية .....
حماها : لا خوية ...ولا بويه ...بعد مالج مكان ابيناتنه يالله .
حسنة : وابني
حماها : انسيه مالج ابن عدنه (يذهب فتبقى هي تبكي حائرة بين الطرفين)
المشهد السابع
المكان:باب مدرسة والطلبة يخرجون منها فيخرج حميد مع احد أصدقاءه .
حميد : مادرينه شنهالرمي .
صديقه: اكيد عركه .
(يمر بجانبهم مزارع وهو يهرول مسرعا ) .
حميد : عمي .....عمي ..
المزارع : ها عمي .
حميد : شنهالرمي .
المزارع : سالم جتل عليوي ابن اعبادي حلال .
حميد : شلون خالي سالم جتل ابوي (يبكي) ابوي مات 0يركض ويركض خلفه أصدقاءه).
المشهد الثامن
المكان : الباحة الخارجية للسلف فيه مسلحون منتشرون بكل مكان وتأتي حسنة وحمدية وهن يبكين بصوت عال ).
الاثنين : ليش .....ليش ...سويتوه ....
ابو سالم :( للناس الي حوله ) اخذوهن تره مجروحات وجرهن غميج .
حمدية : ليش بويه ...ليش .
حسنة : مو كلنالكم الدم موزين ...راح ابو ليدي ليشششششششششششش.
ابو سالم : دخلوهن ....دخلوهن.
حمدية : وين ندخل بويه .
حسنة : ادخل البيت جتال رجلي (تصرخ) ماادخل .
(يجلسن على الارض وهن يضعن التراب على رؤسهن ).
ابو سالم : (يكلم احدهم ) زلمنه كلهم موجودين .
احدهم : أي كلهم هنا بس سالم وساهي مامش .
ابو سالم : سالم انه اعرف وين راح ....بس ساهي وين .
احدهم : ايكولون راح للسوك من الصبح .
ابو سالم : (يضرب يديه) انه ابوج يحمديه ساهي راح .
المشهد التاسع
المكان : طريق يمشي فيه ساهي وهو يمل اكياس من الطعام ويغني اغنية داخل حسن لو رايد عشرتي وياك فيظهر له رجال بيت عليوي مسلحين ).
المسلح : الله جابك تروي دمومنه دموم .
ساهي : (يضحك) اها ..هاي شني الكاميرا الخفية.
المسلح : ليش ماتدري سالم جتل عليوي.
ساهي : (تسقط الاكياس من يديه) شلون ..لا ولله والعباس ابو فاضل ماادري ..وبعدين انه شعليه .
المسلح : ليش تبريت ..انته مو ابن عمه .
ساهي : رحمة الله على والديك ابن عمه ..هسه انته كلته يعني مو الجتال .
المسلح : انته حصتنه .
ساهي : ياجماعة تره ما صايره اتعوفون الجتال وتكتلون واحد ولله شنهي عود ...من العشيرة .
المسلح : جنك غشيم .....هاي سناينه يساهي (يرمونه فيسقط إلى الأرض ) .
المشهد التاسع والاخير
اللقطة الاولى
المكان: صفه في المدرسة الكل موجود الا هو فرحلته خاليه .
اللقطة الثانية
المكان بستان فيه حميد يمشي وهو يحمل بندقية وأبيه وينظر لفوهتها بحقد وكراهية وهو يخرج من جيبه سكارة يدخنها بحقد وهو في عمر الزهور وتترد في آذنيه كلمة لعمه تعلو ومن ثم تخفت بصخب (الدم ما يرويه ألا الدم ).
انتهى
لمكان: الباحة الداخلية لدار ريفي وفي احد جوانبه شاب هو (سالم )نائم ومن ثم يدخل اب وهو (ابو سالم) يلبس عقالة وعباءته .
ابو سالم: بويه سالم ....سالم ...كوم يابعد بوك....صارت الدنيه ظهر ....(يتحرك سالم تحت الغطاء يتأفف)ولك اكعد ..طك الماي علزرع ...
سالم : هسه ....هسه ...اكوم (يلف رأسه بالبطانية).
ابو سالم : كوم لا يبرد الجاي ..كوم بويه
(ينهض سالم وهو يتمغط ومن ثم يلف فراشه ويرميه في احد زواية الدار ويخرج يغسل وجهه ويدية وفمه في نهر بجانب الدار ثم يخرج الاب وهو مهم بالخروج).
ابو سالم :مثل ماكتلك بويه البارحه عليوي ابن عبادي الصيهود مالك غرض بيه .
سالم : (وهو يجلس امام صينة الفطور) ولله احط جيله براسه اذا سواها مره ثانية .
ابو سالم : (بخوف غير معلن) لا يا بعد أبوك يا بويه ..لا تصير مخبل ..احنه ما عايزين ضيم ..اذا شفته مارد ..عود حاجي سيد ناجي عليه يحاجيه ..ولا تنسه يا بعد أبوك هذا مو غريب ابن عم رجل أختك ورجل بت عمك .
سالم : (بخداع)الله كريم ... الله كريم بويه .
ابو سالم : خوش انه اروح ثيمالله .
سالم : الله وياك بويه (مع نفسه) عود خلني اخلي الفشك يهلهل يم أذنه وذيج الساعة الله كريم.
المشهد الثاني
المكان : باحة دار داخلية ورجل وهو (عليوي بن عبادي الصيهود )ينظف ببندقيته ومن ثم تدخل امرأة (زوجته حسنة)تحمل صينية فطور .
حسنة :عوف البيدك وتعال تريك.
عليوي:هسه (يركب غلاف البندقيه) آها هلخلصت (يتقدم زحف للصينية)
حسنة : غسل ايديك .
عليوي: عليمن كلشي مابيهن (يمسحن بوصله) اها مسحتهن.
حسنة : (بخوف غير معلن )اكول.
عليوي: (وهو يهم بوضع القمة بفمه ) شعندج .
حسنة : بعدك انته وابن عمي سالم طلايب على الكاع والزرع .
عليوي : (بعصبيه يرمي القمة) هسة وكت هالحجي ..(يدفع الصينية) شيلي الصينية ...شيليه .
حسنة : هسه انه شكلتلك.
عليوي : (بعصبية) تدرين كلش زين ...طاري ابن عمج سويلم يسطر راسي .
حسنة : جاهو هيج الحجي يابو حميد ..سويلم خال جهال ابن عمك وابن عمي وفوك كل هذا من سلف واحد .
عليوي : ابن عمج غبي ..ومايدور الا الطلايب ....لو نسيتي ذيج السنه لمن عبر على السلف الغاد منه ولحكله وحده من بناتهم ومن شافه اخو البنيه كض سويلم ودماه ولو ما لاجاويد تدخلت والله ستر جاهسه انتم مهجولين من ديره لديره .
حسنة : بعده شاب وعقله على كده .
عليوي: بس عده أبو و أم ولازم أيعقلونه.
حسنه: ولله ملو منه .
عليوي: النتيجه (يضع بندقيته على كتفه ) شتردين .
حسنة : عود من تشوفه جنك ماشايفه .
عليوي: واذا يجيج ويدوس بمصارينج شسويله .
حسنه : اهمله وهو يتعدل .
عليوي : ابن عمج هذا ...لا يحس و لا عنده عقل ....(يخرج) خل اخذ الحلال للمراح احسلي .
حسنه : (وهي ترفع صينية الفطور) يارب سترك ...مابينه حيل المصايب .
المشهد الثالث
المكان :شارع داخل البساتين وفيه ابو سالم وابو عليوي يتمشون ويسولفون .
ابو سالم : هو تدنه علي ..وانه حطيته اله بصدره.
ابو عليوي : وشنهي النتيجة؟؟
ابو سالم : حتى يصير عبره لغيره .
ابو عليوي: وهجولوكم من ديره لديره ودم يجر دم حتى اطت عشيرتكم عشرين واحد واهمه راح منهم ثلاثين زلمه وضلت الطلابه معلكه سنين منا لمن الله وكفلكم سيد كاطع وتدخل او كف جريان الدم كله من وراك يابو سالم.
ابو سالم : اي....صارت سوالف .
ابو عليوي : بس راحت بيه زلم جثيرة ...شصار يعني بوكته من تخليه يزكي كاعه من سيحكم قابل راح تنكلب الدنيه .
ابو سالم :اها ..شلون تقبله يبو عليوي..وصير ملطشه للرايح والجاي .
ابو عليوي : بس الدموم والشبان الراحت والنسوان الترملت والاطفال التيتمت كله بركبتك يابو سالم ...ولا تنسى الكال ..بشر القاتل بالقتل .
ابو سالم : (يضحك) لا ..لا لتخاف ...الجهال كبروا...والنسوان تزوجن ...والشغله صارله سنين والدم برد فماكو بشر القاتل بالقتل .
ابو عليوي : الجهال الكبروا اجم ضيم مر عليهم وهمه بلا ابو ..والنسوان التزوجن أجم قهر مر عليهن لمن اجاهن ابن الحلال ...وبشر القاتل بالقتل مو ماكو لا اكو ..سنه وميت سنه والقاتل ينكتل حتى لو على أيد غربه مو طلابة ثار المهم الله يراويه موتت الغدر.
ابو سالم : (يحاول أن يلملم الموضوع ) اهوووووووو ..خذتنه السوالف ونسينه نمر على سيد كاطع .
المشهد الرابع
المكان : الباحة الخارجة (الطرمه) لدار بيت ريفي هو دار حمدية أخت سالم وهي تجلس تمشط شعر ابنتها سليمة.
سليمة: (تصرخ من المشط) اخ .....اخ اخ اخ ...
حمية : او مرض .
سليمة : (بكاء مصطنع) وجعتيني ...راسي شلعتيه يمه .
حمدية: جاشسويله هو مجبن ..كل مره اكلج لا تحلينه ..وتحلينه .
سليمة : وجعتيني ....(تبكي) موتيني ولله .
حمدية : هل خلصت ..حتى مره ثانيه لا تحلينه (تدخل زوجة عليوي حسنة وهي أبنت عم حمدية).
حسنة : اصباح الخير .
حمدية : صباح النور ....هلا ..هلا بحسنة ..(تقف لها وتقبلها ) اكعدي ..اكعدي .
حسنة : مريت على اهلي وكلت خل امر اشوفج .
حمدية : هله بيج خيه ..بشري شلونج ..اشلون رجلك ..وليدج .
حسنة : الحمد لله زينين ..اخوج النهار كله بهالكاع ..وخادمج حميد ماشاء الله صار زلمه وشاطر بالمدرسة كلش ...حتى ذاك اليوم ودو عليه بالمدرسة وكالولي ديري بالج عليه ابنج ذكي .
حمدية : الله يخليليجياه ..هو من زغره فاهم ...جاانتي ماتتذكرين من احنه واكفات نسولف وغرك اوليدي بالرايط البصفنه ..شلون وليدج كام يعت بعباتنه حتى انتبهنه ...ولبعمره جان كلشي ما يفتهم من الغرك .
حسنة : أي اذكر ...ولله هسه انه بالمدرسة لا اقريه ولا هاي ..تدرين احنه كلنه ما نعرف نقره وما خلونه أهلنه نكمل مدرسة بس هوه يتهجه لوحده ولبلبان ..وحتى كام يقري ولد الجيران هالايام .
حمدية : فدوه لله ..الله يحرسه .
حسنة : المهم ...انه جيتج بموضوع .
حمدية : كولي انه بخدمتج .
حسنة : خيه احنه بنات عم ..وماخذات ولد عم من غير عشيرة مو.
حمدية : أي .
حسنة : واذا صار على رجلي شي معناته ..حبل المودة نكطع .
حمدية : خوفتيني شصاير.
حسنة : اخوج .
حمدية : ها ردت الطلايب الاولية .
حسنة : خيه انه خايفه من الهبيه تجي..ونطيح بيه انه وياج ..معناته ..لا انتي راح تكعدين عد رجلج لان اخوج جتال ابن عمه ...ولا انه ابقه عدهم لان ابن عمي جتال رجلي .
حمدية : معناته احنه الفده لهالنار.
حسنة : ولله الا يخلونه نتحسر على شوفت ولدنه .
حمدية : والحل .
حسنة : كضي اخوج وحاجيه...كليليه انته بهالطلايب ماتفكر بمصير اختك وبت عمك وجهالهن .
حمدية : ياخيه ولله ملينه من عده .
حسنة: (بعصبية) خيه طلايب ويه الغربه بيهه مجال ...بس ويه الكرايب والنسايب عيب ....ولازم واحد ايوكفه عد حده .
حمدية (تقف حمدية وتلبس عباءتها ) مشينه خيه روح لهلي ونسولف وياهم (يخرجن).
المشهد الخامس
المكان : مدرسة صف فيه طلاب وفيه حميد ابن عليوي جالس .
المعلمة : منو بيكم اليوم حافظ نشيد بس كون مو من الكتاب (محد يرفع يده غير حميد ) تعال احمد (يقف الى جانبها ) ها شراح تقرالنه ؟؟؟.
حميد : ست ..موطني .
المعلمة : عفيه ..اقراه.
حميد : (يقرأ نشيد موطني).
المعلمة : صفكوله (يصفق الطلبه ) عفيه احمد انته شاطر ..استريح (يذهب الى رحلته ) زين منو يكلي النخله شبيه من ثمر ؟؟؟وشنستفاد منه ؟؟؟ وتموت لا ؟؟ ( يرفع الطلبه ايديهم فتشير الى الطالب الاول )يالله انته .
الطالب الاول : بيه تمر ...وتموت.
المعلمة : بس ...ها.....(تشير للطالب الثاني يرفع يده ) ها تعرف ..يالله .
الطالب الثاني : النخلة ..بيه الخلال ..والزهدي ...والبرحي ...والساير ...
المعلمة : لا ....مو انواع التمور (صمت ) ها محد يعرف (يرفع يده حميد) ها احمد تعرف .
احمد : نعم ست .
المعلمة : جاوب يالله .
احمد : ست بيه تمر وجمار ناكله ...وبيه سعف وكرب نطبخ بيه ...والنخله تموت مو مثلنه نطيح ويدفنونه جو الكاع ....النخله تموت وهيه واكفه .
الملعمة : (بحرارة ) صفكولة ....أحسنت .....أحسنت ..ياوردة ..لأنك شاطر راح أطيك هدية (تخرج من حقيبتها شوكلاته وتعطيها له فيفرح بها كثيرا).
(طلاب في أخر الصف يتحدثون بالهمس)
طالب اول : شاطر .
طالب ثاني : يقره النهار كله .
طالب اول : المعلمين يحبونه هواي .
طالب ثاني : لان هو اشطر واحد بالمدرسة ..اقره وانته تصير مثله
طالب اول: جاو الطوبه ...والسراح ؟؟؟.
طالب ثاني : هذا مو عذر ..الطوبه اله وكته ..والسراح تكدر تاخذ كتبك وياك وتقره .
طالب اول : كافي ....كافي ...صاير محامي .
المعلمة : بدون صوت .
المشهد السادس
المكان: مزارع سالم وبجانبها مزارع عليوي .
سالم (جالس يغني موال ريفي فيرى دواب عليوي تدخل الزرع ) انه اخو حمدية ..راح الزرع (يسحب امان بندقيته ويركض باتجاه البقر وهو يطلق النار الى الاعلى وعندما يصل اليهن يطلق النار على اكبر بقرة فيسمع صوت سحب بندقيه عليه فيراه عليوي )
عليوي: ولك الك ايد وتموت حلالي يسويلم .
سالم : اليوم كلهن اجتلهن ..شلون يدشن لكاعي .
عليوي : مراجللك ماطلعه الا على هالدوابات ..جان زريتهن من الكاع .
سالم : لا تغلط ..وانه حذرتكم اكثر من مره .
عليوي: قابل احنه دافعينهن عليكم ..دوابات غفلت عليهن دشن لكاعك .
سالم : انته غاصده يعليوي ...انته ارعن وحقير ونسيواني .
عليوي: اياارعن ياابن الارعن (يتلاوون فيطلق سالم النار على عليوي فيقتله فيهرب ) (يراه احدهم ويذهب ينادي .
المنادي : سويلم جتل عليوي بالزرع... سويلم جتل عليوي بالزرع (فيهرع شباب ونساء العشيرتين بالسلاح لمكان الجريمة فتنشب بينهم معارك دامية يتدخل وسط الرمي سيد كاطع وهو يرفع العلم الاخضر(علم السادة) ويقول بصوت عال ).
سيد كاطع : بسم الله...ورسوله ..وال بيته الاطهار...وكفو الرصاص ونطونه عطوه ليوم واحد بس (فيقف الرصاص وتأتي حسنة زوجة عليوي وهي تولو وتبكي على زوجها فيقول لها حماها ).
حماها :المن جايه ...ذولاك اهلج وروحليهم (يطردها).
حسنة: خوية .....
حماها : لا خوية ...ولا بويه ...بعد مالج مكان ابيناتنه يالله .
حسنة : وابني
حماها : انسيه مالج ابن عدنه (يذهب فتبقى هي تبكي حائرة بين الطرفين)
المشهد السابع
المكان:باب مدرسة والطلبة يخرجون منها فيخرج حميد مع احد أصدقاءه .
حميد : مادرينه شنهالرمي .
صديقه: اكيد عركه .
(يمر بجانبهم مزارع وهو يهرول مسرعا ) .
حميد : عمي .....عمي ..
المزارع : ها عمي .
حميد : شنهالرمي .
المزارع : سالم جتل عليوي ابن اعبادي حلال .
حميد : شلون خالي سالم جتل ابوي (يبكي) ابوي مات 0يركض ويركض خلفه أصدقاءه).
المشهد الثامن
المكان : الباحة الخارجية للسلف فيه مسلحون منتشرون بكل مكان وتأتي حسنة وحمدية وهن يبكين بصوت عال ).
الاثنين : ليش .....ليش ...سويتوه ....
ابو سالم :( للناس الي حوله ) اخذوهن تره مجروحات وجرهن غميج .
حمدية : ليش بويه ...ليش .
حسنة : مو كلنالكم الدم موزين ...راح ابو ليدي ليشششششششششششش.
ابو سالم : دخلوهن ....دخلوهن.
حمدية : وين ندخل بويه .
حسنة : ادخل البيت جتال رجلي (تصرخ) ماادخل .
(يجلسن على الارض وهن يضعن التراب على رؤسهن ).
ابو سالم : (يكلم احدهم ) زلمنه كلهم موجودين .
احدهم : أي كلهم هنا بس سالم وساهي مامش .
ابو سالم : سالم انه اعرف وين راح ....بس ساهي وين .
احدهم : ايكولون راح للسوك من الصبح .
ابو سالم : (يضرب يديه) انه ابوج يحمديه ساهي راح .
المشهد التاسع
المكان : طريق يمشي فيه ساهي وهو يمل اكياس من الطعام ويغني اغنية داخل حسن لو رايد عشرتي وياك فيظهر له رجال بيت عليوي مسلحين ).
المسلح : الله جابك تروي دمومنه دموم .
ساهي : (يضحك) اها ..هاي شني الكاميرا الخفية.
المسلح : ليش ماتدري سالم جتل عليوي.
ساهي : (تسقط الاكياس من يديه) شلون ..لا ولله والعباس ابو فاضل ماادري ..وبعدين انه شعليه .
المسلح : ليش تبريت ..انته مو ابن عمه .
ساهي : رحمة الله على والديك ابن عمه ..هسه انته كلته يعني مو الجتال .
المسلح : انته حصتنه .
ساهي : ياجماعة تره ما صايره اتعوفون الجتال وتكتلون واحد ولله شنهي عود ...من العشيرة .
المسلح : جنك غشيم .....هاي سناينه يساهي (يرمونه فيسقط إلى الأرض ) .
المشهد التاسع والاخير
اللقطة الاولى
المكان: صفه في المدرسة الكل موجود الا هو فرحلته خاليه .
اللقطة الثانية
المكان بستان فيه حميد يمشي وهو يحمل بندقية وأبيه وينظر لفوهتها بحقد وكراهية وهو يخرج من جيبه سكارة يدخنها بحقد وهو في عمر الزهور وتترد في آذنيه كلمة لعمه تعلو ومن ثم تخفت بصخب (الدم ما يرويه ألا الدم ).
انتهى
© 2005 - 2011 Copyrights akhbaar.org all right reserved
Designed by Ayoub media & managed by Ilykit