مبروك لك ياوطني هذا النصر الكبير الذي راهن اعداء العراق بفشل هذه التجربة الديمقراطيةوماهذا الزحف المليوني نحو صناديق الاقتراع ان هو الا رصاصة بقلب الارهاب والارهابيين والبعثيين والتكفيريين ومن لف لفهم والذين كانوا يحلمون بعودة العراق الى عصر الظلم والطغاة ولكن هيهات لهم ذلك ....وهاهي شعوبهم اليوم تتمنى ان ياتي اليوم الذي يذهبون به الى صنادق الاقتراع ويختارون مخيرين لا مجبريين من يمثلهم ...فمبروك لك ياوطن هذا العرس العراقي الكبير وبهذه المناسبة نقول

---

فرجت ياعراق وخلصت الشدة
وجرحك طاب ياوطن
وزاد جرح كلمن وكَف ضدة
راهن العدوان عليك
وكالوا انتهى وبعد شيردة
مادروا هذا العراق
تاريخ يتشرف بمجدة
مختلف عن كل البلدان
كل صفات الطيبة عندة
ياهو المثل العراق اليوم
كل اربع سنين يختار اليودة
كلي وين موجودة وبيا بلد
من الجيران مثل العدنة عندة
خل نحسب وخل نشوف
وخل نكعد للحجي كعدة
عد من عند ابن سعود ماينطيهة
لمن على التراب يصير خدة
لو عند قزم اليمن الدومة دايخ
ولااجل الكرسي دمر اهل صعدة
لو حسني الخرفان الما يدري شيصير
الكاعد يعد بيهة الولدة
لو معمر المحتار بكتابة الاخضر
مريض وبيه مليون عقدة
وكل العرب بهذا النهج يمشي
من غير ما نحسب ونكمل العدة
انتهى ومات الارهاب اليوم
وكلمن وكف وياه وساعدة ومدة
وخل تموت الجزيرة اليوم
حسرة وندم واحلامها تتبدة
ياما دكت وركصت هواي
واخبار الجذب على العراق متقصدة
خلي يشوفون يوم 7 اذار
كل العراقيين ايد باايد متحدة
كلهة اخوان ولصندوق الاقتراع ماشيين
واختلاف الراي ما يفسد المودة
دروع لبسوا على القلوب
وندري بالعدوان مترصدة
من الصبح دك الدان
صغار وكبار طلعت للوطن تتفدة
وكلهة تصيح عد عيناك ياعراق اليوم
كل بعثي وذليل للحفرة نردة
يضل عالي اسم العراق
وكل العالم تحترمة وتودة
واصبع ماجن بالصبغ مصبوغ
يا عمي اصبع وشايل الوردة


اَبن العراق خالد الحاج جعفر ال وشاح
karar1968@yahoo.com