ستار الشاطي: (( وحشة ليل ))

» ثقافة وأدب

لنفس الكاتب

أخر مانشر

الأكثر قراءة

يوم اسبوع شهر

(( وحشة ليل ))

الأثنين 6 أبريل / نيسان 2015 - 10:54

ستار الشاطي

وحــــــــدي چنــــت
حيــــــل وحـــــــدي
وچانت الدنيه مطــر
و ليل يشتل غربــه
على وجوه الشبابيچ
و ينثر حروف العمر
عل محطات الخذتني وسافرت
و دورت وي روحي عنك
مدري وين الگاك
يخايــب ويــــن
شو چني ضعت
تيهتنــي سنيــن
كـــوم سنيـــن
واوياهن تهت
بس ناطــرت
وفززتني احلام
تشهگ على البيبان
وترسم بروحي بحر
وآنه مثل شـــراع
يتلاوه ويّه الريح
ويعاند سفينة
و عانــدت
مكابر بجرح
الوشمتك بيه
منك ماتبــت
لملمت عمري
بشليل الشوگ
بـس انت
ياوسفه رحت
آه منــــك
آه من عمري
الگضيته ابعيد عنك
آه .... ياليش ورحت !!

ستار الشاطي 22-2-2015