اهلنه گبل چانو ايگولون المسودن مايتيهه سالفته.. واني سالفتي هاي الايام انت ياعمار مو چيفن العبادي عده اصلاحات ومدوهن مايدري بيمن يبدي بس اذا الله راد اچيبكم بالسره واسرگطكم اسرگط... بلچي ابو گربونه العبادي يتفطن على زمانه ويتشغل گبل لایطگونه بالدهن والسالفه تخرط فد مره... واني چنيتي  گابه على سماحتكم العليا .... هيچ من الله ... 
حلفت ذيچ المره بروح چدي صيهود اشرك على الحبل واحجي فشگ.. وچدي زلمه بخيت هاااا مو ست افلوس وكل سلفنه يذكر شلون طگت الچوله على چدتي" نوعه" چيفن ماسوت لزاير صيهود رصاع من هفت رويحته عليه نص الليل.. يعني يشنط شنط وشارته بالمچان والزمان حسب توقيت العماره.
السید عمار الحكيم ..انته رچال ديمغراطي من خلقت الله وهاذي مايختلف عليه حمارين من رواد ملتقاكم  وتؤمن بالحريات والانفتاح الثغافي وتعتقد بحرية المراه ولباس ابو الخيط والستيان الواضح باحتفال الالوان وضوح الرؤية في الفريق المنسجم.. واني التمسك تتحملني يامعلانه كمواطن يريد ينتصر گبل لاينحصر
اول هيل ارد اسعلك یاعمار عن اوليدات عمك وين صارو وشلون موعتهم... صادق وحيدر محمد باقر الحكيم , عود ليش مالهم مچان بمجلس خرّييط ال الحكيم .. وشكاتب عمك الشهيد بوصيته علیهم.. شو اكو وادم من صوبكم ايگولون انته لاعب بالوصيه طوبه..وال الحكيم متسودنين منك بس يخافون يحچون...عود صدگ یو چذب..العباس عليك ..
ثاني هيل ليش عمك وحده راح بالتفجير لا انت ولا ابوك بالتبني عبد العزيز .... شعچب؟.. چا انتم ماصلون وراه لو چان شفتکم مسائي بالصلاه ... شنهي فهمنه لخاطر ام شامه الكبد مال سماحتكم٬ بعدين ليش اي مسعول من يطگون سياره بطريق موكبه يلگون جثته , ايده, رجله , خفت, صخام ...وعمك الله ايرحمه ولا وذره بقت منه بس المحيبس...وليش سيارته صارت تراب من دون السيارات وشنهي معناته بعد عمك!!! وشعجب السياره اتاخرت عن موعده فوگ الربع ساعه, اوين چانت !! وشسويتو بيه .. چا انته مو تگول چنت مثل رأفت الهجان منذ نعومه اظفارك المبارکه... شعچب مافطنت للسياره مفخخه, انت شفتنه مصنهرين من الشمس عبالك باكستانيين....
  اگول واچد عليك لحد اهنا ونکمل سالفتنه غیر یوم!!! لان مشیچیخاتك ماتگضي واني مهطويب .

فرحان العراقي
امير الفقراء