الساده جوع
ما يطيب الجوع بيهم
البارحه باگوا البيدر
شفت بدريه وبچيت
....... بسوگهم
باعت تراچيهه ومعاضدهه وبچت
والعلاوي تسوگن
آخ منك يا جنوب
وآخ منك يا وطن
بدموع بدريه العلاوي تشطفن
احنه موش ولد الخايبه
ولد عشتار وبهيه
ولد زينب وبدريه
ولد كل امهات الناس
الضمدن بجروحهن جرح العراق
من مراضع سومريه
...... وبابليه
ما نفطم تاريخنه
الّما وصل
بس بيه جيه
وانته يا هذا الصبي
گلي منه الربتك؟؟؟
اذا گلت امي علويه
هيه علويه
التفرخ بس حراميه
تدرون كلكم موش منه
الباعوا حروف العراق
ورخصوا دمعات اهلنه
........ ودم اهلنه
....... موش منه
mathcor_h@yahoo.deبرلين / 09 / 2016