زَعـَـل هـذا لـو دَلال ؟
    الثلاثاء 5 ديسمبر / كانون الأول 2017 - 22:34
    ميسون نعيم الرومي
    هـذا طبعـَـك لو....
     دَلال
    دَلـَع هـذا ؟ لو خصال ..
    غـَـزل زعـّـلـَك ... ؟
    لو جـَمال ..!
    وَطـَـن انـّـتَ او بيه الوذن
    روحي عـِنـّـدَك ودَعـِتــّهه
    ابلحظه تجفي .. اوهالعفتهه!
    لاتـَحيـّة .. اولا سـَـلام..؟
    يطـّـفـَه وابغفله الغرام ؟
    حبك انتَ بس كلام؟
    جفـَن عينك هـَم ينام..؟
    ردت اسـألك چا سـؤال
    گـتـلي هذا امن المحال...
    تگطع ابغفله الوصال
    هذا طبعـَك ؟
    لو... دلال..
    ***
    عطر روحك هالأشمـَّـه
    نجمه ضوَّت وابدربنه
    عزف اسمع ..؟
    لا.. قصيده...
    غيمه تمطر..غاد..عنـَّـه
    وانه ادري .. او ما دريت
    طبع هذا ... لونسيت!
    بيك الوذن واحتميت
    وانت يحبيب جفيت
    تدري انت .. اوما دريت
    وآنه وابدربك تنيت
    ينطر العيد الهلال
    لاتجينه..!
    بس ... تعال..
    زعل هذا لو دلال
    صعب طبعك ...؟
    لوخصال
    اموتن .. اعرف هالسؤال
    تگطع ابلحظه الوصال..
    طبع هذا لوخصال؟
    زعل هذا لو دلال؟

    ديسمبر/ 2017
    ســــــــــــتوكهولم
    © 2005 - 2017 Copyrights akhbaar.org all right reserved
    Designed by Ayoub media & managed by Ilykit