لنفس الكاتب
أخر مانشر
الأكثر قراءة
يوم
اسبوع
شهر
أوف..أوف
الجمعة 15 ديسمبر / كانون الأول 2017 - 11:53
الأوف ..
لهـّـبـَه تـسـّـعـَر
نار بـيهـَه اهم ونـيـن
الأوف .. صَعـّـبـَه .. تـوجع
تحـّرِگ الگلب الحزيـن
الأوف ..
جـَمره تـِسـّعـَر..
ابسكـّـتـَه تـِلـّسـَع
مدري كـِتـّـبـَه اعلـَه الجبين
تسكت اوماظل كلام
عين تربي اوماتـِنام
آه منك يا زمان
ويـنـَه حچـّيك گلي وين
ليله يمحيه النهار؟
اسدلنه يا عيني الستار..
روح تاهدت
مدري .. وين..,
(الله الله اعلـَه اليعوف)
آخ منك ..اوف اوف
أوف
---
الأوف
گلبي عندك چـَن سجين
روح غصَّت بالونـيـن
تچوي تلبگ من سنين
عـَبره تخـّـنگ
بيه نشـّرَگ
دمعه مديوفه حنين
نبچي ياخذنه السحين
يحرگ اويسعـَرضنين
يلهب ..
اومامش صباح
كلشي مامش
كلشي راح
والجـَرح ..
يـدّي دفين
اشبعنه يا روحي سحين
لاتـِصَلـَّح ..!
لا تروف
كافي .. بسّ .. اوبـَعـَـدْ..
اوف
حزن مدري لوظروف
آه.. آه..واويلاه
اوف اوبعد اوف
اوف منك..
أوف
ديسمبر / 2017
ســــــــــــتوكهولم
© 2005 - 2024 Copyrights akhbaar.org all right reserved
Designed by Ayoub media