ميسون نعيم الرومي: اغنية الى تموز

لنفس الكاتب

أخر مانشر

الأكثر قراءة

يوم اسبوع شهر

اغنية الى تموز

السبت 14 يوليو / تموز 2018 - 20:17

ميسون نعيم الرومي

راحت اسـنين اوهالإجت - يعراقي قـصـّـه قصتك

فرحه گصيره يا شعب

يا روحي ملينه التعـَـب

تموز هالجانه ابعـَـتـَـب

صارت چبيره بلوتـَك ـ يعراقي صعبه قِصتك

***

*چان الملك ستر اوغطه ـ (اكريم) إجانه ! اشورطه

ياثوره : شنـهي قِـصـتـّـچ

محنتنه صارت محنتچ

بدمانه عجنـَـوْ حِنـِتـِچ

يا شعب بلوه بلوتك ـ يعراقي اروي قصِتـَـك

***

تموز حزنك شـو كثر؟ ـ دم الشعب يسگي نهر

بالـموت صرنـه او نحتفل؟

شعبك حزن .. حتى الطفل

وين الوطن ؟ كله انــِّـشَــل

حـرفـَوْ الـدّيـن ! اومـنـهجـك – يـعـراقي محـنـه محـنـتك

***

ظلمه اصبحت مامش أمل ـ ناكل هضم نلبس سمل

اغتصبـَـوْ اكريم .. ثورتــك

تموز هجموا ديرتك

يعراقي صعبه بلوتك

تـچوينـي جـمرة چـويـتـك ـ بدموعي أكتب قصتك

يعراقي قـصتـي قصتك

---------------------------

14/تموز/2018

ســــــــــــتوكهولم