المتظاهرين اهديها -3-
    الأربعاء 18 يوليو / تموز 2018 - 05:12
    ميسون نعيم الرومي
    ثورتنه ثوره شعبيه
    لا سنيه اولا شيعيه
    ***
    إذا اليوم الشعب ماحقق اهدافه
    قريب اوينتفض واتثور اطيافه
    ***
    فرق بين الحقوق اوبين اهدافك
    الك كل الحقوق اوخير ثرواتك
    ***
    منهج والقياده انريد للثوره
    من هذا الشعب وابنخبه متنوره
    ***
    المفروض كل حاكم شريف اويخدم ابشعبه
    مو ينهب ثروته .. وامن الخمس نسبه
    ***
    الثوره دوم اتدوم ماتخمد ابيوم
    مو بردي اويگب واتزيد الهموم
    ***
    (من ألفين واتلاثه) والشعب يعلف..
    على هاذي الحكومه اوحلگ بس يلغف
    ***
    يعبادي يالچذاب والوجه وجهين
    يالكاتل الشبان..تاليهه ليوين؟
    ***
    هذا مصيرك بان .. روح اقره تاريخ
    الحكم ذمـَّـه اودين مو أكل بطيخ
    ***
    احزاب السياسه اليوم مشغوله
    بالكيكه الهمش..والناس مكتوله
    ***
    يادم العراقي الرخص رخص المي
    احكومتنا الطغت و(اخرعلاج الكي)
    ***
    جوْعـَـتنـَه الحكومه اوعلمتنه الذل
    اليحكم ظلم ... ينهزم لويختل
    ***
    چم حفره تلم ياجوگة السراق؟
    ليغركم الكرسي! اعراقنه ..اعراق

    17/تموز/20018
    ســــــــــــتوكهولم

    © 2005 - 2024 Copyrights akhbaar.org all right reserved
    Designed by Ayoub media