اهديها الى المرأة العراقية بمناسبة عيد الأم.. ثـنوه ابنياتچ ثـنوه
    الأحد 22 مارس / أذار 2020 - 07:48
    ميسون نعيم الرومي
    *(ثنوه) ابنياتچچ يا (ثنوه)-
    ورد امفتح بيضه اوسمره
    قـِدْوات اوبـيهـن نـِفـْخـَـر
    -(مـَلـْكوك) السماهن عـَوْرَه
    صوتچ عالي هـَـزّ الكون
    -(اعراقيه) وانتِ الثوره
    ***
    ليلو اويلمع،محله اعيون
    اغزيله امضمـْرَه يالحلوه
    نجمه اوتلمع يا محلاچ
    بخدودچ شعـَّـت گـَمـْره
    -(ثنوه) ابنياتچ يا (ثنوه)-
    گلبچ يا (ثنوه) اشـكبره؟
    ***
    امأصله الحلوه اتهزالگاع
    إخـت الإخـوه يالنـمـْرَه
    سـومر اهلچ وي آشور
    تاريخ اليشهـَـد يالحرَّه
    رادوا غصباً وايـذلوچ
    درس انطيتيهم عـِـبـْرَه
    ***
    ما تـتراجع بنت اأصول
    سلطه اوتظلم بـَـرَّه بـَـرَّه
    فالتحا ثـِـورة تشــريـن 
    ثـوره شـَـعبيه اوفـِـكـْره
    -(ثنوه) ابنياتچ يا (ثنوه)-
    بـيـچ الثـوره مـنـْـتصرَه


    *(ثنوه)اسم والدة ايقونة تورة تشرين الشهيد صفاء السراي
    الذي كان يحب ان ينادوه (ابن ثنوه)
    لهما المجد والخلود

    21/آذار/2020
    ســــــــــــــتوكهولم

    © 2005 - 2020 Copyrights akhbaar.org all right reserved
    Designed by Ayoub media