اليوم وقائع طريفة ونكات

ملاحظة / لافتات اليوم تحتوي وقائع طريفة و نكات و شوية سياسة

- 1
جواب على تساؤل
________________

يقول الكاتب الصحفي عبدالباري عطوان .

عندما يتحول ترامب وقرارته الى "مسخرة" امام القضاء الامريكي ولم يجد من يستند اليهم في الدفاع عن هذه القرارات العنصرية غير حكومات عربية.. انها ذروة المأساة !!

و أنا اقول له / لو خلت قائمة المنع من إسم إيران لوجدت كل العرب وغالبية المسلمين ضدها ولقامت قيامتهم على المجنون ترامب , وجود إسم إيران ضمن القائمة هو السبب في دفاعهم عن ترامب وقراراته المقيتة

من جانب آخر , لو كانت السعودية متواجدة ضمن القائمة لما خرج الإنسانييون في الدول المتحصرة في تظاهراتها العارمة ضد قرار ترامب بمنع مواطني سبع دولة إسلامية من الدخول إلى الولايات المتحدة الأمريكية

_ 2

أي هذا ابوية الحقيقي
______________

صديقي يحجي لي يكول
كبل أبوية ميعرف يسوق وأستلم سيارة برازيلي خطية يفتر بيهه ولما أيريد أيدخلهه بالكراج يضربهه بالدنكة
منا لما صنف السيارة من ورة الدنكة يكول ومرت سنة وابوية جابوه شهيد محترك بالدبابة
أني أتعلمت سياقة وكمت أسوق بالسيارة ورتبتها وصارت عزيزة كلش عليه لانها من ريحية المرحوم
وبسنة 1990 أجانة خبر ابوكم طلع اسير مو شهيد وتعالو استلموه من مطار المثنی
 أحنا ما مصدكين واحد ايكول هوه وواحد ايكول تشابه اسماء , خلوني أشك بيه
وصدك رحت للمطار لكيت ابوي متغيير وإني هم جنت اصغير لما أستشهد ما أتذكر شكلة زين
وكبل ما نوصل للبيت كتلة يابة اتريد اتسوق
كال يلة وصدك كام ايسوق ولما وصل للبيت جان يضربهه بالدنكة
 صحت بأعلى صوتي وكلتلهم هوه هذا أبوي الحقيقى

 يابة نعلة علی ابليسك صنفت السيارة لو باقي شهيد والله هواي أحسن

_ 3
راجدي من إستكهولم رجعني لبغداد
____________

 جان بمنطقتنا / شارع الكفاح / فد واحد إسمه عبود , من أثر تعذيب جلاوزة صدام حسين إله بالسجن صار خلل بعقله

يمشي ويحجي ويا نفسه , نوبة تشوف بس شفايفه تتحرك ونوبة بصوت عالي و نوبات يضرب اللي يجي بوجهه راجدي لذلك احنا الجنا نعرفه نتجنبه و نبتعد عنه

من جيت للسويد صرت كلما اشوف واحد يحجي ويا نفسه و يهز راسه ونوبات يركَص اتوخر من كَدامه و آخذ حذر . بالأخير عرفت هذوله كلهم خالين سماعات مالات التلفون بإذاناتهم وديحجون ويا اهاليهم لو اصدقاهم او ديسمعون موسيقى لو أغاني ( وين أحنا نعرف هيجي تكنلوجيا بزمن صدام حسين , بس تلفزيون بإتجاه واحد ) بعد ما عرفت أطمأنيت و صرت ما أخاف من اشوف واحد يحجي ويا نفسه

فد يوم دا أمشي بشارع بستُكهولم / واثق الخطوة أمشي ملكاً / وإذا براشدي محمودي ينزل على وجهي رجعني من ستكهولم الى شارع الكفاح كَُمت أمسح خدي اللي إحمر و آني مذهول و أسأل نفسي . ليش هذا ضربني ,؟ . سويت شي غلط و ما أدري ؟ أخاف هذا عنصري وما يحب الأجانب ؟!! صرت عصبي وقررت اركض وراه حتى أسئله ليش ضربني .. ؟؟! لحكَِت بيه ووكَفته بالكَوة و صرت كَدامه وجه بوجه , قبل ما أسئله إنذهلت وردت أتخبل . طلع اللي ضربني هو صاحبنا عبود مال شارع الكفاح !!! . صدام حسين مسفره ويا أهله إلى إيران و مناك إنتقلوا إلى السويد كلاجئين !! سامعين بهيجي حظ .؟....

- 4
نكتة
________________

- أ

الزوجة زارت عيادة دكتورة

الزوجة / جئتكِ أشكو شهوانية زوجي

الدكتورة / اشرحي لي مشكلته

الزوجة / أنه يعاشرني ثلاث مرات يومياً

الدكتورة / علامات الحبور على وجهها و هي تسأل الزوجة .هل تعنين ما تقولين ؟

الزوجة / نعم وبكل تأكيد

الدكتورة / اعطيه رقم تليفوني و أطلبي منه أن يتصل بي بعد إنتهاء دوامي

- ب
 هل تعلم . بأن دول الخليج تفكر في إصدار عملة موحدة تسمى ( خليجي ) بدل الدرهم والريال . وهذا معناه بعد صدورها أن يحدث الحوار التالي بين بائع الخرفان والمشتري ..
بعد أن أمسك المشتري بخروف إنتقاه من بين الخرفان .
سأل البائع . بكم هذا الخروف ..
البائع . ب 10000 خليجي

- ج
على الرغم من وجود المئات من الشهود كانت عيونهم تحدق في مكان آخر من جسدها

يقال أن امرأة عارية سرقت بنكاً في بلد عربي ولا أحد يتذكر ملامح وجهها


حسن أسد

• لافتات -3-
  30/01/2017 - 06:23
• لافتات -2-
  21/01/2017 - 05:26
• لافتات -1-
  13/01/2017 - 02:05