ليش الناس تتعنة وتمشيلك ملايين وليش تدك على الصدور وتهل دمع العين وليش الحزن باقي بقلوبنة من سنين وليش الناس لاجلك تضحي وماتهاب الضالمين وصرنة لاجلك مانهاب ارهابهم والبعث كلة وكافرين ليش من ينذكر اسمك يشدنا الك شوق وحنين لانك سبط النبي الصادق الامين لانك ابن المرتظى امير المؤمنيين لانك ابن الزهرة سيدة نساء العالمين لانك مصباح الهدى ومنار الثائرين وسيدي لولاك مابقى اسلام ولاضل دين وانت البجت عليك ملائكة وانبياء ومرسلين وانت الدمك انتصر على سيوف الفاسقين وانت الضلت تخاف من اسمك كل السلاطين وانت القاتلت الاف وانتم جنود الله السبعين وانت القبتك سيدي صارت ملاذ للمحروميين وانت من كل مكان تتعنة وتجيك الزائرين وين اللي قاتلك وعاداك سيدي وين وين اللي هدد بقطع الايدي والرجلين عاشوا بذلة وعار وبمزبلة التاريخ مدفونيين وعليهم اللعنة انكتبت للابد الابدين خسروا دنيا واخرة وبجهنم مدفونيين واحفادهم اليوم على النهج ماشيين يردون عن طريقك نحيد ذولة الحاقديين بس شيعتك سيدي والله بالموت مبتشرين ميتنة شهيد يصير وميتهم لعين ابن لعين وزوارك سيدي للعدوان متحدين ومن تنادي الا من ناصر ينصر الدين يجيك الرد سيدي من قلوب ملهوفين مومشي سيدي والله نزحفلك ملايين وكلهة بصوت واحد تصيح لبيك يا حسين.....لبيك يا حسين المرسل :ابن العراق خالد الحاج جعفر ال وشاح
